Urte hauetan Xabi Aburruzagak ehunka doinu konposatu ditu. Ez bakarrik propioak, bere diskoetan eta kontzertuetan jasoak.
Konpositore gisa egiten dituen lanek enkarguzko lan ugari biltzen dituzte, erakundeentzat, kultur ekimenentzat… eta abar luze bat.
Gainera, bere konposizioek musika-erregistro zabala jorratzen dute.
Bermeoko Udalak eskatuta, 2002an Xabi Aburruzagak jaietarako abestia konposatu zuen, Egunaro egunaro kalien.
Iñaki Aurrekoetxeak sortu zuen letra eta musikari ezagunek interpretatu zuten, Mikel Urdangarin, besteak beste.
Zamudioko Udalak 2011n egindako eskaerari erantzunez, Zamudioko kantuen bilduma osatu zuen Xabi Aburruzagak, Amagoia Gezuragaren laguntzagaz.
Egitasmo honen xedea Zamudion aintzinean abestu diren kantu zaharrak biltzea eta moldatzea. Herriko jendea eta herriko elkarte kulturalak bildu zituzten, interpretazioan parte har zezaten, abeslari eta musikari profesionalekin.
Proiektu honetan parte hartu zuten, besteak beste: Natxo de Felipe, Anton Latxa, Amaia Zubiria, Mikel Urdangarin,
Xabier Zeberio, Jexux Aranburu
eta Jose Urrejola.
Soinu teknikaria Mikel F. Krutzaga izan zen.
Ekoizpenaren zuzendaria Xabi Aburruzaga
Abesti berrien egilea: Xabi Aburruzaga- Iñaki Aurrekoetxea
Moldaketak: Xabi Aburruzaga eta Jose Urrejola
Idazlea: Unai Elorriaga
Ilustratzailea: Eider Eibar Zugazabeitia
Argitaletxea: Bizkaiko trikitixa elkartea
Urtea: 2011
Adina: 6tik gora
2020an Bilboko Karmelo Ikastolak abesti bat konposatzea eskatu zion Xabi Aburruzagari.
Beste behin ere, Iñaki Aurrekoetxea, auzotarra eta ikasle ohia izan zen abestiaren letra sortzearen arduraduna.
2022an Portugaleteko hiriak 700. urteurrena ospatu zuen.
Data berezi hau dela eta, Portugaleteko Udalak doinu bat sortzea eskatu zion Xabi Aburruzagari.
Zazpi mendeko jauzia konposatu zuen Aburruzagak eta ekainaren 11an estreinatu zen, herriko dantzariek dantzatuta, urteurrena ospatzeko ekintzen baitan.
Atsegin eta ilusio handiz, txupineraren kanta aurkeztu nahi dizuegu.
Lantalde handiaren laguntza izan dut abesti hau prestatzeko eta kantuan emakume zoragarriek jarri diote ahotsa. Besteak beste, aurtengo pregoilarioak, Aiora Renteriak.
Gozatu eta zeuona egin abestia!
Musika: Xabi Aburruzaga
Letra: Iñaki Aurrekoetxea
Musikariak:
Xabi Aburruzaga: Trikitixa, programazioak
Eriz Pérez: Gitarra akustikoa
Pablo Cano: Steel guitar
Xabier Zeberio: Biolina
Koldo Uriarte: Pianoa eta sintea
Ruben Isasi: Txalaparta, panderoa, perkusioak, whistle eta flauta
Iñigo Olazabal: Txalaparta eta perkusioak
Abeslariak:
Aiora Renteria
Itziar Ituño
Maria Rivero
Naroa Gaintza
Ylenia Baglietto
Miren De Miguel
Irati Bilbao
Rapa: La Basu
Grabazioa eta edizioa Xabi Aburruzaga (Trikileku estudioan)
Edizioa, nahasketa eta mastering-a: Unai Mimenza
Erramunen soinua umeei zuzenduriko Bizkaiko Trikitixa Elkartearen argitalpena da, liburu eta diskoz osatua. Unai Elorriagak idatzitako istorioan, pertsonaia xelebre batzuei gertatzen zaizkien pasadizoen bidez, trikitixaren nondik-norakoak azaltzen dira: nondik datorren, zelan jotzen den, zeintzuk erritmo erabiltzen diren, etab.
Lanen honek bi helburu nagusi ditu: trikitixa sustatzea eta irakaskuntza laguntzea; eta umeei (orain arte gutxitan egin dena) materiala eskaintzea.
Lan hau liburu eta diskoz osatuta dago, eta, bertan, ipuinak, abestiak, hauen letrak eta partiturak (ikasleentzat zuzendutako oharrekin) aurkitu daitezke.